Fréttir‎ > ‎

Ágætis árangur á MÍ 15-22 ára í frjálsum

posted Feb 1, 2011, 12:54 AM by Ungmennasamband Eyjafjarðar UMSE
Um síðustu helgi fór fram Meistaramót Íslands 15-22 ára í Reykjavík. Keppendur UMSE voru 9 talsins og unnu þeir allir til verðlauna.

Eftirfarandi er samantekt frá Ara þjálfara:

Guðbjörg Ósk Sveinsdóttir stóð sig griðarlega vel og sprakk út á þessu móti, Hún sigraði í 60m grindahlaupi á tímanum 9,53 sek einnig vann hún silfur í langstökki og stökk 4,85m, hún vann silfur í 4x200m boðhalupi og brons í þrístökki með 10,00m stökk. Kristján Godks Rögnvaldsson fékk brons fyrir 400m hlaup og er augljóst að hann mun bæta tímann sinn næstu helgi í 400m,  Sveinborg Katla Daníelsdóttir vann silfurverðlaun í stangarstökki og stökk 2,70m og hún var hársbreidd frá því að bæta sig en hún felldi 2,80m í þrígang, Sveinborg fékk einnig silfur í 4x200m boðhlaupi. Steinunn Erla Davíðsdóttir vann bronsverðlaun í 60m í flokki 18-19 ára á tímanum 8,44 sek Hún vann einnig silfurverðlaun í 4x200m boðhlaupi. Ólöf Rún Júlíusdóttir Umf. Reyni stóð sig mjög vel og bætti sig í nánast öllum greinum. Hún fékk silfur í flokki 15 ára í stangarstökki með 2,50m sem er bæting og lágmark í úrvalshóp FRÍ, brons í hástökki með stökk upp á 1,44m, silfur í 4x200m boðhlaupi, svo komst hún í 8 manna úrslit í 60m, 60m grindarhlaupi,þrístökki, langstökki og 200m hlaupi. Stefanía Andersen Aradóttir fékk brons í stangarstökki 16-17 ára stúlkna með stökk upp á 2,20m og silfur í 4x200m boðhlaupi. Júlía Ósk Júlíusdóttir og Arlinda Fejzulahi fengu báðar silfur í 4x200m boðhlaupi.
Eir Starradóttir fékk silfur í 4x200m boðhlaupi og varð 5. í kúluvarpi

UMSE varð í 6. sæti af 16 í heildarstigakeppni félagana með 69 stig og fékk 1 gull, 5 silfur og 5 brons







Comments