Fréttir‎ > ‎

Ársþing UMSE 9. mars

posted Feb 16, 2017, 3:16 AM by Ungmennasamband Eyjafjarðar UMSE
96. ársþing UMSE fer fram í félagsheimilinu Árskógi, í Dalvíkurbyggð. Þingið mun hefjast stundvíslega kl. 18:00. Réttur til setu á þinginu er samkv. 6. og 8. grein laga UMSE:

„6. grein. Hvert sambandsfélag hefur rétt til að senda fulltrúa á ársþing þannig: Einn fulltrúi komi fyrir hverja 50 skattskylda félaga eða færri. Þó skal hvert félag ætíð eiga rétt á tveimur fulltrúum. Tala félagsmanna skal miðuð við síðustu áramót og eru 18 ára og eldri skattskyldir.“

„8. grein. Á ársþingi hafa kjörnir fulltrúar og aðalstjórn UMSE atkvæðisrétt og fer hver með eitt atkvæði. Aðeins sá, sem er í félagi innan sambandsins er kjörgengur fulltrúi þess á þingi. Allir þingfulltrúar skulu hafa kjörbréf. Sérhverjum félagsmanni innan UMFÍ og ÍSÍ er heimilt að vera á þingum sambandsins og hafa þar málfrelsi og tillögurétt þó eigi sé hann fulltrúi neins félags.“

Tillögur og málefni, sem félög óska eftir að lagðar verði fyrir þingið, þurfa að berast skrifstofu UMSE í síðasta lagi mánudaginn 20. febrúar. 
Comments