Fréttir‎ > ‎

Mótaröð FRÍ í sumar

posted May 16, 2012, 10:28 AM by Ungmennasamband Eyjafjarðar UMSE   [ updated May 16, 2012, 10:32 AM ]
Mótaröð FRÍ er röð opinna frjálsíþróttamóta þar sem fremstu 
frjálsíþróttamenn landsins verða í eldlínunni.  Keppt verður til 
verðlauna á öllum mótunum en mótaröðin verður jafnframt 
stigakeppni þar sem sigurvegarar hennar fá að lokum flugmiða í 
verðlaun.   Verðlaun sem keppt verður um eru peningaverðlaun, 
gjafabréf á veitingastaði, flugmiðar, Usain Bolt ilmur frá PUMA 
ofl.  Heildarverðmæti verðlauna  er 1.330.000 kr.  

Mótin eru sex talsins og verða fjögur þeirra á 
höfuðborgarsvæðinu eitt á Selfossi og eitt á Akureyri.  


Mótin eru:
 19.05 Vormót HSK á Selfossvelli
 24.05 JJ mót Ármanns á Laugardalsvelli
 06.06 Vormót ÍR á Laugardalsvelli
 12.06 Kastmót FH í Kaplakrika
 21.07 Akureyrarmótið
 15.08 Ágústmót Breiðabliks í Kópavogi

Mótaröðin verður stigakeppni þar sem hægt verður að safna 
stigum innan fjögurra flokka.  Flokkarnir eru:
Sprettgreinar: 100m, 200m, 300m, 400m, 100/110m 
grindahlaup og 400m grindahlaup
Millivegalengdagreinar: 600m, 800m, 1500m, 3000m, 3000m 
hindrun og 5000m
Stökkgreinar: Langstökk, hástökk, stangarstökk, þrístökk
Kastgreinar: Kúluvarp, kringlukast, spjótkast og sleggjukast

Fyrir 1. sæti fást 4 stig, 2. sæti gefur 2 stig og 3. sæti 1 stig.  Ekki 
er hægt að safna stigum úr fleiri en einni grein á hverju móti.
Stigakeppnin er tvíþætt:

1. Flokkastigakeppni - Í flokkastigakeppninni gildir til stiga 
árangur úr þremur bestu mótum viðkomandi.  Ef fleiri en 
einn íþróttamaður verður efstur í flokkastigakeppninni , 
mun sá sem náði mestu samanlögðum afreksstigum 
samkvæmt IAAF, úr þessum þremur mótum, bera sigur 
úr býtum.  

2. Heildarstigakeppni – Öll mót gilda til stiga.  Ef fleiri en 
einn íþróttamaður verður efstur í heildarstigakeppninni , 
mun sá sem á betra afrek samkvæmt IAAF frá einhverju 
mótanna, bera sigur úr býtum.  

Fréttatilkynning frá FRÍ um mótið er hægt að nálgast hér
Ċ
Ungmennasamband Eyjafjarðar UMSE,
May 16, 2012, 10:28 AM
Comments