Fréttir‎ > ‎

Takk fyrir gott Unglingalandsmót UMFÍ

posted Aug 14, 2017, 3:42 AM by Ungmennasamband Eyjafjarðar UMSE   [ updated Aug 14, 2017, 3:46 AM ]
Um verslunarmannahelgina fór fram Unglingalandsmót UMFÍ á Egilsstöðum. Keppendur frá UMSE voru 39 að þessu sinni og kepptu í strandblaki, frjálsíþróttum, knattspyrnu, körfuknattleik, golfi, sundi, kökuskreytingum, þreki (crossfit) og skák. Keppendur UMSE voru til fyrirmyndar á mótinu, bæði á keppnisvellinum sem og utan hans. Það sama má segja um aðstandendur, sem stóðu þétt við bakið á sínu fólki.

Árleg grillveisla fór að venju vel fram og voru um 110 - 120 manns sem gæddu sér á nautasteikinni í þetta skiptið.
Mótið var í alla staði til mikillar fyrirmyndar og veðrið lék við mótsgesti alla helgina.

Fjölmörgum Unglingalandsmótsmeistaratitlum var landað af keppendum UMSE.

UMSE færir öllum þeim sem komu að þátttöku á mótinu kærar þakkir.

Sérstakar þakkir fá þeir aðilar sem studdu við þátttöku UMSE á mótinu. Það voru:
Bústólpi, aðalstyrktaraðili UMSE
Landflutningar Samskip
Félagsbúið Áshóli
Ölgerðin
Nýja kaffibrennslan.


Myndir af mótinu eru væntanlegar inn á Facebook síðu UMSE

www.facebook.com/ungmennasamband.eyjafjardar/
Comments