Fréttir‎ > ‎

Umf. Samherjar - Aldursflokkamót 2015 í borðtennis

posted Nov 2, 2015, 9:00 AM by Ungmennasamband Eyjafjarðar UMSE
Sunnudaginn 15. nóvember heldur Ungmennafélagið Samherjar aldursflokkamót í borðtennis í íþróttahúsinu að Hrafnagili. Mótið er innan aldursflokkamótaraðar BTÍ og hefst klukkan 9:30.

Keppt verður í einliðaleik í 4 aldursflokkum.

kl. 9:30 Einliðaleikur hnokkar f. 2005 og yngri 

kl. 9:30 Einliðaleikur tátur f. 2005 og yngri 

kl. 9:45 Einliðaleikur piltar f. 2003 -2004 

kl. 9:45 Einliðaleikur telpur f . 2003 -2004 

kl. 10:30 Einliðaleikur sveinar f. 2001-2002 

kl. 10:30 Einliðaleikur meyjar f. 2001-2002 

kl. 10:30 Einliðaleikur drengja f. 1998-2000 

kl. 10:30 Einliðaleikur stúlkna f. 1998 -2000 

Skráningarfrestur er til 18:00 laugardaginn 14. nóvember og skal kennitala fylgja skráningu. Þátttökugjald er 600 krónur.
Skráningar sendist á netfangið sigeiriks@gmail.com eða olafur96@gmail.com.

Leikið verður með hvítum þriggja stjörnu Butterfly keppniskúlum. Leiknar verða 3 -5 lotur eftir riðlafyrirkomulagi þar sem 2 efstu komast áfram, eftir það verður leikið með útsláttarfyrirkomulagi. Raðað verður eftir styrkleikalista BTÍ. 

Verðlaun eru veitt fyrir fjögur efstu sæti í öllum flokkum og verðlaun verða afhent að lokinni keppni. 

Aðeins er hægt að leika í einum aldursflokki. 

Mótstjóri verður Sigurður Ingi Friðleifsson en yfirdómari verður kynntur síðar. 

Æfingabúðir:

Í tengslum við mótið verða æfingabúðir fyrir börn og unglinga á sama stað laugardaginn 14. nóv. Ekkert þátttökugjald er í æfingabúðirnar og engrar skráningar er þörf. Mögulega verður dagskrá þeirra kynnt betur þegar nær dregur.

Gisting.

Umf. Samherjar bjóða upp á gistingu í skólastofum fyrir þá sem það vilja. Gistingin kostar 1.400 krónur á mann yfir helgina og gestir verða að taka viðlegubúnað með sér. Mögulegt verður að komast í ísskápa en engin verslun er á Hrafnagili sem er ca. 10 km framan Akureyrar. Þeir sem hyggjast nýta sér gistinguna eru beðnir að láta undirritaðan vita í síðasta lagi miðvikudaginn 11. nóvember. 
Frekari upplýsingar um mót, æfingabúðir eða gistingu veitir undirritaður fúslega ef eftir því er leitað í síma 821-3240 eða með tölvupósti á sigeiriks@gmail.com.

Hlökkum til að fá ykkur í heimsókn. 

Umf. Samherjar
Comments