Fréttir‎ > ‎

Verndum þau

posted Feb 18, 2011, 8:49 AM by Óskar Vilhjálmsson   [ updated Feb 18, 2011, 8:56 AM ]
Flest börn á Íslandi búa við öruggt og friðsælt umhverfi, heima, í skóla, leik- og frístundastarfi. Því miður er ekki hægt að segja að þetta eigi við um öll börn hér á landi. Það er töluverður fjöldi barna sem eiga erfitt og búa við vanrækslu eða eru beitt ofbeldi - líkamlegu, kynferðislegu og eða andlegu. Það er því mikilvægt að þeir sem starfa með börnum og unglingum þekki einkenni ofbeldis og vanrækslu gagnvart börnum og hvernig eigi að bregðast við ef grunur vaknar um að slíkt eigi sér stað.
Nú hefur Æskulýðsvettvangurinn í samvinnu við Mennta og menningarmálaráðuneytis farið af stað með röð af námskeiðum sem kallast Verndum þau.  Æskulýðsvettvangurinn er samstarf vettvangur Bandalags Íslenskra Skáta (BÍS) KFUM og KFUK á Íslandi (KFUM og KFUK) og Ungmennafélags Íslands (UMFÍ).
Námskeiðið Verndum þau er ætlað öllum þeim sem koma að uppeldi og umönnun barna og ungmenna. Námskeiðið eru byggt á efni bókarinnar Verndum þau. Það eru höfundar bókarinnar, Verndum þau, sem stýra námskeiðinu. Þær Ólöf Ásta Farestveit sem er uppeldis- og afbrotafræðingur og Þorbjörg Sveinsdóttir sem er með BA í sálfræði. Þær starfa báðar í Barnahúsi og hafa mikla reynslu af barnaverndarmálum.
Námskeið verður haldið í Sunnuhlíð 12, Akureyri þriðjudaginn 22. febrúar og hefst kl. 17:00 og er öllum opið og öllum að kostnaðarlausu. Skráning fer fram í síma 588-8899 eða á netfangið namskeid@kfum.is
Comments