Knattspyrnumót UMSE 2025

Til stendur að halda knattspyrnumót UMSE á íþróttavellinum á Hrafnagili, fimmtudaginn 4. september kl. 17:00. 

Aðalmarkmið mótsins er sem fyrr að börn og unglingar á svæðinu sem áhuga hafa á fótbolta komi saman, kynnist og skemmti sér.

Stefnt er að því að keppa í eftirfarandi flokkum ef næg þátttaka fæst (blönduð lið):

8. flokkur (Börn fædd 2020 og síðar). 3 í hverju liði

7. flokkur (Börn fædd 2018-2019).     5 í hverju liði

6. flokkur (Börn fædd 2016-2017).       5 í hverju liði

5. flokkur (Börn fædd 2014-2015).      5 í hverju liði

4. flokkur (Börn fædd 2012--2013).     7 í hverju liði 

(allt fer þetta auðvitað eftir skráningu)

Mögulega þarf að setja saman einhverja flokka eftir skráningu.

Til að hægt sé að raða niður leikjum og ganga frá pöntun á viðurkenningum er mikilvægt að skráningar berist í síðasta lagi þriðjudaginn 2. september n.k. á póstfangið umse@umse.is

Í skráningunni þarf að koma fram hve mörg lið félagið sendir, í hvaða flokki þau keppa og fjöldi barna. Endilega hafið samband þó að það náist ekki í fullt lið. Markmiðið er að allir geti tekið þátt svo við munum reyna að koma öllum í lið.

Gert er ráð fyrir að mótsgjaldið verði ca. 1.500 kr. á hvern þátttakanda. Innifalið í þátttökugjaldi eru þátttökuverðlaun, pizzasneið og svaladrykkur.

UMSE á Unglingalandsmóti 2025

Rúmlega sextíu keppendur UMSE tóku þátt í Unglingalandsmóti UMFÍ á Egilsstöðum um verslunarmannahelgina. Mótið var vel heppnað og hafði einmuna veðurblíða þar mikið að segja. UMSE bauð upp á kaffiveitingar í samkomutjaldi sínu og sameiginlega grillveislu á laugardagskvöldinu, sem heppnaðist vel.

Stjórn UMSE þakkar öllum keppendum, foreldrum og aðstandendum fyrir þeirra þátt í að gera helgina skemmtilega og eftirminnilega.

Þá þakkar stjórn UMSE Samskip fyrir veittan stuðning, en Samskip flutti fyrir okkur samkomutjaldið og tilheyrandi dót til og frá Egilsstöðum endurgjaldslaust.