Þorvaldsdalsskokkið, elsta skipulagða óbyggðahlaup á Íslandi, verður haldið í 33. sinn þann 4. júlí. 2026.
Enn er tími til að skrá sig og fer skráning fram á netskraning.is en einnig er hægt að hafa samband við skipuleggjendur á thorvaldsdalsskokk@umse.is varðandi greiðslu þátttökugjalda. 

Nánari upplýsingar um Þorvaldsdalsskokkið er að finna á vefsíðu hlaupsins: http://thorvaldsdalur.umse.is/

Landsmót 50+

Mótaskrá Landsmóts UMFÍ 50+ í Hrafnagilshverfi er komin út. Hana er hægt að nálgast rafrænt hér, sem og á umfi.is auk þess sem þátttakendur mótsins fá hana afhenta með mótsgögnum.

Þetta er skráin sem þátttakendur og gestir mótsins geta haft gagn af að hafa í vasanum og símanum meðan á móti stendur. 

Í mótaskránni er dagskrá Landsmóts UMFÍ 50+, skemmtilegar upplýsingar um allar greinar, rætt við forsvarsfólk UMFÍ, Eyjafjarðarsveitar og Ungmennasambands Eyjafjarðar, myndir frá fyrri mótum og ýmislegt fleira.

Þátttakendur fá prentaða útgáfu mótaskrárinnar afhenta í þjónustumiðstöðvum mótsins í Hrafnagilshverfi og á Akureyri. Miðstöðin opnar í Grunnskólanum í Hrafnagili klukkan 18:00 á morgun, fimmtudag og verður hún opin til klukkan 22:00. Þjónustumiðstöðin opnar svo aftur klukkan 8:00 en verður þá í Íþróttahöllinni á Akureyri þar sem keppni í boccía og ringó fer fara fram.

UMFÍ heldur Landsmót UMFÍ 50+ ásamt Ungmennasambandi Eyjafjarðar (UMSE) og sveitarfélaginu Eyjafjarðarsveit. 

Þú getur smellt á myndina hér að neðan og lesið mótaskránna á netinu.